منة عرفة بعد تصدرها “التريند”: “مش بجري وراه ومش عاوزاه”
كشفت الفنانة منة عرفة أنها مرت خلال الفترة الماضية بالتخبط، مشيرة إلى أنها لم تكن تتوقع ما مرت به في إشارة إلى طلاقها من محمود المهدي، مشيرة إلى أنها لم ترغب أبداً في أن تصبح تريند على مواقع التواصل الاجتماعي ومحركات البحث.
وقالت خلال لقاءها ببرنامج “سابع سما” مع الإعلامية راغدة شلهوب عبر فضائية “النهار”، أن رمضان هذا العام مختلف، وتابعت: “الحمد لله أنا واثقة مليون في المئة ربنا مش بيعمل حاجة وحشة، مش زعلانة من أي حاجة حصلت، راضية جدا وعندي رضا تام وبقول الحمد لله”.
وتابعت: “لو بجري ورا التريند، كنت أطلع واتكلم، ليه ملتزمة الصمت والصحفيين بيكلموني مبردش؟ ده أمر مش بعمله عن قصد، مش بجري وراه ومش عاوزاه”.
واستكملت:”كل اللي حصل كان غصب عني، وكل اللي يعرفوني كويس عارفين اني مبحبش المشاكل واني مبردش لما حد يهاجمني وبحب اكون بعيدة عن اي جدل”.
واختتمت:لآ”«يمكن أنا طيبة زيادة عن اللزوم وبتحط في وش المدفع، اللي بيخطر على بالي بقوله، وكل الحاجات المعروفة عني على مواقع التواصل الاجتماعي كانت غلط”.
